NARKOBIZNES (yun. pagke biznes) narkotik moddalarni olish va sotish bilan shugʻullanadigan jinoiy uyushma faoliyati. Narkobiznesdan katta foyda koʻrayotgan turli guruh va shaxslar faoliyati xalqaro konvensiyalar, alohida mamlakatlarning qonunlari bilan man etilgan. Shunga qaramay 20-a. oxiri va 21-a. boshida bunday faoliyat avj oldi.
Narkobiznes keltirib chiqarayotgan global oqibatlar insoniyatga xavf sola boshladi. Shu bois BMT doirasidagi hamda turli mintaqaviy uchrashuvlarda Narkobiznesga qarshi kurashda xalqaro jamoatchilik kuch-gʻayratini birlashtirish taʼkidlab kelinadi. Yana q. Giyohvandlik vositalari.