MUHIDDINBEK, Moʻydinbek, Muhiddinbek Kattabek Usmon Aliyev (taxm. 1877, Olay vohasidagi Navqat qishlogʻi —1922.26.8, Oʻsh) — Fargʻona vodiysida sovet rejlmiga qarshi harakat rahbarlaridan biri. Turkiston muxtoriyati hukumatini faol qoʻllab-quvvatlab, bolsheviklarga qarshi kurashning sarchashmasida turgan. Katta Ergash, Madaminbek va Shermuhammadbeknint oʻrinbosarlaridan biri (1918—22). Mingtepada Yoʻlchi, Usmon Ponsod, Buloqboshida Yangiboy, Ahmad Polvon, Aravonda Shermat qirgʻiz, Oʻzganda Jonibek qozi kabi qoʻrboshilar Muhiddinbekning eng nufuzli sardorlari edi, ixtiyorida 4500 yigit boʻlgan. Uning yigitlari 1918—21 y. larda qizil askarlarga zarbalar berib, Oʻsh uyezdini dushmandan muhofaza qilishgan. 1922-y. fev. da unga qarshi bolsheviklar faol jang harakatlarini boshladi. Oʻsh uyezdi atrofida bir oy davom etgan shiddatli janglarda Muhiddinbek lashkari magʻlubiyatga uchradi. Muhiddinbek va uning 7 ta safdoshi Oʻsh sh. dagi Azret masjidida boʻlgan Inqilobiy harbiy tribunal majlisining hukmi bilan otib oʻldirildi.
Ad.: Turkestan v nachale XX veka; k istorii istokov natsionalnoy nezavisimosti, T., 2000; Oʻzbekistonning yangi tarixi. 2-kitob [Oʻzbekiston sovet mustamlakachilik davrida], T., 2000; Rajabov K,., Haydarov M., Turkiston tarixi (1917-1924), T., 2002; Istoriya Uzbekistana (1917—1991), T., 2002.