MAGNOLIYADOSHLAR

MAGNOLIYADOSHLAR (Magnoliaceae) — ikki urugʻpallali oʻsimliklar oilasi. Daraxt va butalardan iborat. Barglari yaxlit, baʼzan boʻlakchali, cheti tekis, gullari yirik, toʻgʻri, ikki jinsli (kamdankam bir jinsli). Changchilari koʻp. Amerika va Osiyoning tropik va subtropik mintaqalarida 14 turkumi (240 ga yaqin turi) bor. Magnoliya, loladaraxt kabi turkumlarining turlari manzarali oʻsimlik sifatida ekiladi.