KORNELL UNIVERSITETI

KORNELL UNIVERSITETI — AQSH dagi yirik va koʻp ixtisosli untlardan biri. Nyu-York shtatining Itaka sh. da joylashgan. 1865-y. tashqil etilgan. Asoschisi — kvaker (xristian dini mazhabiga mansub shaxs) E. Kornell nomi b-n atalgan. Muhandislik, ijtimoiy va tabiiy fanlar, meʼmorlik, sanʼat va loyihalash, veterinariya, tibbiyot, q. x., umumiy taʼlim va ekologiya boʻyicha kollejlar, huquq, maʼmuriy-xoʻjalik, i. ch. hamda mehnat munosabatlari va b. boʻyicha maktablar mavjud. Un-tda 18 mingdan ortiq talaba taʼlim oladi. Kutubxonasida 4,5 mln. dan ortiq asar saqlanadi.