KLIVAJ

KLIVAJ (frans. clivage — parchalanish, qatlamlarga ajralish) — togʻ jinslarining darzlar buyicha yupqa plastinka va prizmalarga ajralishi. Ularning yunalishlari, koʻpincha togʻ jinslarining birlamchi qat-qatligiga mos kelmaydi. Klivaj avj olgan joylarda asl qat-qatlik butunlay koʻrinmay qoladi. Klivaj, asosan, intensiv burmalanish r-nlarida tektonik kuchlar taʼsirida sodir boʻladi. Yuzaga kelish usullariga koʻra, uzilish Klivaj, sirpanish Klivaj, yoriq K. va b. farq qilinadi.