KANTOROVICH Leonid Vitalyevich

KANTOROVICH Leonid Vitalyevich [1912.6(18).1, Peterburg — 1986.7.4, Moskva] — rus matematigi va iqtisodchisi, akad. (1964). Leningrad un-tini tugatgan (1930). Ilmiy ishlari hisoblash mat. sini iqtisodiyotda tatbiq etishga bagʻishlangan. Birinchi boʻlib funksional analiz usullarini hisoblash mat. siga qoʻllagan, xususan, operatorli tenglamalarni taqribiy yechish usullarini ishlab chiqqan. Chiziqli dasturlash sohasiga asos solgan. Chizikli dasturlash asosida iqtisodiy resurslardan eng samarali foydalanish bilan bogʻliq muammolarni hal qilish modelini yaratgan. Eng maqbul iqtisodiy modellar tahlilida paydo boʻladigan obyektiv shartlangan narxlarni muhim qiymatlarini aniqladi. Bu tadqiqotlar xalq xoʻjaligini optimal rejalashtirish va boshqarish nazariyasini yaratishda hamda narx belgilash, renta nazariyasi, kapital qoʻyilmalar samaradorligi va b. muammolarni ishlab chiqishga yordam berdi. Umrining oxirlarida iqtisodiyotda mat. modellar bilan shugʻullangan. Nobel mukofoti laureati (1975, T. Ch. Kupmans bilan birga). As: Matematicheskiye metodы organizatsii i planirovaniya proizvodstva, L., 1939; Nailuchsheye ispolzovaniye resursov, L., 1965; Optimalnыye resheniya v ekonomike, L., 1972.