KAJAVA (fors.) — 1) qad. savdo karvonlari mol ortadigan yoki odamlar (aksari ayollar) qulay oʻtirib ketishlari uchun yogʻochdan qubba qilib ishlangan va tuya (fil) ustiga oʻrnatiladigan moslama; 2) qayishqoq, puxta daraxt novdasidan yoki qobigʻidan toʻqilgan, ulov (ot, eshak, xachir) da yuk tashishga moʻljallangan keng savat;
3) Xorazm va Buxoro vohasida tosh quduqlar ogʻziga oʻrnatiladigan maxsus yogʻoch qopqoq.