Сиродзи Сато
Ижодда ҳуснихат
Кўп ҳам зарурмас…
Майли, у чаплашган,
Майли, жимжима,
Майли, у хунукдир,
Тик, адл турмас,
Ё ўнгга, ё чапга
Қийшайса нима!
Майли, у ўқишга
Қийин бўлса ҳам.
Мағзида ҳақиқат қони юрса, бас!
Номусу инсофдан нидо берса, бас!
Бундайин дастхатлар
Эҳ, қандай кўркам!
Шу учун ҳамиша
Икки сўз фақат,
Икки сўз ёзаман:
“Тинчлик! Ҳуррият!”
Шуҳрат таржимаси
https://saviya.uz/ijod/nazm/ijod/