ISPAYSOY

ISPAYSOY — Toshkent viloyati Boʻstonliq tumanidagi soy. Piskom daryosining chap irmogi. Piskom tizmasining shim-gʻarbiy yon bagridan (2400 m balandlikdan) boshlanadi. Uz. 13 km, suv toʻplash mayd. 73 km2. Toldarsoy irmogʻining quyilish joyiga qadar Ispaysoy kengligi 15—40 m, qirgʻoqlari baland va tik, dara shaklidagi vodiyda oqadi. Oʻrtacha suv sarfi 2,4 m3/sek, oʻrtacha oqim moduli 33 l/sek km2. Martdan suvi kupaya boshlaydi, eng katta suv sarfi may — iyunda kuzatiladi. Kuz — qishda suvi kamayadi. Ispaysoydan qisman Ispay qishlogʻi suv ichadi.