ISOMOVA Yevgeniya Ivanovna

ISOMOVA Yevgeniya Ivanovna (1948.28.1, Ignatovo sh., Mordoviya Respublikasi) — Oʻzbekiston Respublikasi xalq oʻqituvchisi (1995). Kozon ped. in-tini tugatgan (1970). 1970—80 y. larda Tatariston Respublikasi maktablarida ishlagan. 1980-y. dan Toshkentdagi 1-ped. bilim yurtida direktor oʻrinbosari, 1987-y. dan Chilonzor tumanidagi 103-maktab direktori. Isomova maktabda taʼlim-tarbiya ishlarini yuksak darajaga koʻtardi. Uning oʻquvchilari turli yillarda Respublika olimpiadalarida informatika, rus tili va adabiyoti, oʻzbek tili va adabiyoti fanlari boʻyicha 1-urinni egallashgan.