Post Views:
16
IMLOQ – qadimiy shahar xarobalari. Olmaliq shahridan (Toshkent viloyati) 12 km sharqda. Ohangaron daryosining chap sohilida joylashgan. Shahar markazi 5 gektar, undan sharqda joylashgan shahriston maydoni 12,5 gektar bo‘lgan. Shahristonning daryoga qaragan shimoliy tomoni mudofaa inshootlari bilan mustahkamlangan, qolgan tomonlari rabod bilan o‘ralgan. Arxeologik qazish natijasida 6–7-asrlarga oid mudofaa inshootlarining xarobalari, 4–11-asrlarga oid turar joylar va jamoat binolari, hunarmandchilik korxonalarining qoldiqlari topilgan. Shahriston va rabodda topilgan metallurgiya, kulolchilik, shishasozlik korxonalarining qoldiqlari, yirik va kichik kanallar, hovuzlarning izlari Imloqda madaniyat va sug‘orish ishlari taraqqiy etganligidan dalolat beradi. Arxeologik va yozma manbalarga asoslanib Imloq Iloqning markazi – Tunkat shahri bilan bir deb hisoblanadi.
«Toshkent» ensiklopediyasi. 2009 yil
https://shosh.uz/uz/imloq-2/