ILONLIKOʻL

ILONLIKOʻL — Toshkent viloyati Bekobod tumanidagi koʻl. Sirdaryoning oʻng sohilida, Dalvarzin choʻlida, Yangixayot qishlogʻidan 5 km jan. sharqda. Mayd. (180 ga) va chuq. (3—4 m) oʻzgarib turadi. Sirdaryoning qoldiq oʻzani oʻrnida hosil boʻlgan. Ilonlikoʻlga ekinzorlarning tashlama suvlari va sizot suvlar quyiladi. Qoʻlda qamish, qoʻgʻa va b. suv oʻtlari oʻsadi. Suvi nisbatan shoʻr. Ilonlikoʻlda baliqchilikni rivojlantirish imkoniyatlari katta.