GIDROAEROIONIZATSIYA

GIDROAEROIONIZATSIYA — elektr zaryadli suv zarralari va gaz ionlarining hosil boʻlishi. Tabiiy sharoitda shalolalarda, tez oqadigan daryolar boʻyida, dengiz suvi koʻtarilganda, favvora va b. joylarda Gidroaeroionizatsiya boʻladi. Gidroaeroionizatorlar yordamida sunʼiy yoʻl b-n ham hosil qilinadi. Nafas aʼzolari, yurak-tomir, asab sistemasi va b. kasalliklarni davolashda boshqa davo muolajasi bilan birga qoʻllaniladi (yana q. Aeroionoterapiya).