– Erimda ureaplazma aniqlandi. Bu infeksiya qanday yuqadi? Menda uning hech qanday belgilari yo‘q, u esa boshqa jinsiy sherigi bo‘lmaganligini aytayapti. Bunga ishonish bo‘ladimi?
Ramazon Nazarov, urolog-androlog, seksapotolog:
– Ko‘nglingiz xotirjam bo‘lsin, hozirgi tibbiyotda ureaplazmaning yuquvchanligi haqida aniq to‘xtamga kelingani yo‘q. U jinsiy va boshqa yo‘llar bilan odamga yuqishi mukin. Ayrim shifokorlarning fikricha, u har qanday odamning peshob yo‘llarida salomatlikka jiddiy zarar yetkazmaydigan holatda mavjud bo‘ladi. Organizm ba’zi kasalliklar ta’sirida holsizlangan paytda ureaplazma rivojlanib ketishi mumkin. Bunday hollarda qon, peshob tahlillari orqali kasallikni aniqlab, darhol davolash choralarini ko‘rish tavsiya etiladi.