ERATEMA

ERATEMA — umumiy stratigrafik shkalaning boʻlimi, eonotemaga boʻysunadi va sistemalarga boʻlinadi. «Eratema» termini 1966 yil amerikalik geolog X. Xedberg tomonidan kiritilgan. Eratema litosfera (maʼlum bir holatda atmosfera va gidrosfera) va organik dunyo rivojlanishining katta etapini aks ettiradi. Har bir Eratema uch yoki undan ortiq sistemaga boʻlinadi. Umumiy qabul qilingan fanerozoy Eratema lari: kaynozoy, mezozoy, paleozoy hisoblanadi (q. Geoxronologiya).