EPIZOD (yun. — qoʻshimcha) — 1) voqea, hodisa;
2) epik, liroepik va dramatik asar syujetidagi asosiy harakatning maʼlum bir boʻlagi, yakunlangan muayyan qismi. Epizodning mazmunmohiyati, vazifasi asarning umumiy syujet tizimi rivoji bilan bogʻliq. Asarda badiiy yuk tashuvchi asosiy va ularni bir-biriga ulashga xizmat qiladigan yordamchi Epizodlar boʻladi. Asosiy Epizodlar qahramon xarakterini ochish, asar syujeti rivojini taʼminlashda hal qiluvchi oʻrin tutsa, yordamchi Epizodlar asardagi asosiy Epizodlarni birbiriga bogʻlab, syujet chizigʻida yaxlitlik, bir butunlikni vujudga keltiradi. Epizodlar miqdori asar hajmi va uning janr xususiyatlarini belgilaydi.