DYACHKOV Ivan Nikitich

DYACHKOV Ivan Nikitich (1905.23.8, hoz. RF Voronej viloyati Ternovka tumani Novo-Troiskoye qishlogʻi — 1985.18.8, Samarqand) — zootexnik olim, Oʻzbekistonda xizmat koʻrsatgan fan arbobi (1980), Oʻzbekistonda xizmat koʻrsatgan zootexnik (1959), q. x. fanlari d-ri (1969) prof. (1971). Moskva qoʻychilik in-tini tamomlagan (1932). Samarqanddagi qorakoʻlchilik i. t. intida katta ilmiy xodim, lab. va boʻlim mudiri (1935—60), in-t direktorining ilmiy ishlar boʻyicha oʻrinbosari (1943—54 va 1970—75). Ilmiy ishlari qorakoʻlchilikda seleksiya va naslchilik masalalariga bagʻishlangan. Beruniy nomidagi Oʻzbekiston Davlat mukofti laureati (1970).