CHULISHMAN YASSITOGʻLIGI

CHULISHMAN YASSITOGʻLIGI — Sharqiy Oltoy (Oltoy Respublikasi) dagi yassitogʻlik. Jan. gʻarbida Chulishman daryosi vodiysi va shim. sharqda Shagapal tizmasining gʻarbiy yon bagʻri oraligʻida. Gʻarbi (oʻrtacha bal. 2000— 2200 m) va jan. da kristalli slanes va granitlardan tashkil toptan tizmalar (eng baland joyi 3148 m) qad koʻtargan. Tizmalar yon bagʻirlarida 2000 m balandlikgacha kedrtilogʻoch taygasi mavjud, undan yuqorida toshloq tundra uchraydi.