BUXOROYOGʻ OCHIQ TURDAGI AKSIYADORLIK JAMIYATI

«BUXOROYOGʻ» OCHIQ TURDAGI AKSIYADORLIK JAMIYATI — oziq-ovqat sanoati korxonasi. «Oʻzyogʻmoytamakisanoat» uyushmasi tarkibiga kiradi. Asosan oʻsimlik yogʻi, sovun, shuningdek chorva uchun aralash yem ishlab chikaradi. Loyiha quvvatiga koʻra sutkasiga 300 t chigitni qayta ishlaydi. 1953-y. da ishga tushirilgan, 1994-y. iyundan hoz. nomda. 1997-y. dan Fransiyadan keltirilgan zamonaviy uskunalar asosida «Somoniy» mineral suvi ham chiqariladi. Kelgusida yogʻni dezodaratsiya qilish va qadoqlash hamda aliflok i. ch. sexlarini ishga tushirish rejalashtirilgan (2001).