BRONETRANSPORTYOR

BRONETRANSPORTYOR — zirhli jangovar mashina. Pulemyot, toʻp va b. qurollar bilan kurollantiriladi. Motooʻqchi boʻlinmalar (20 kishigacha)ni tashish, ogʻir qurolyarogʻlarni tirkash va razvedka ishlarida qoʻllaniladi. Bronetransportyorning gʻildirakli, yarim oʻrmalovchi, oʻrmalovchi (gusenitsali), ochiq va yopiq turlari bor. Suvdan suzib oʻta oladi. Bronetransportyor devorlarida oʻq otish uchun moʻljallangan maxsus teshik (shinaklar) bor. Bronetransportyor minorali va minorasiz boʻlishi mumkin.