BOYQOʻNGʻIRSOY

BOYQOʻNGʻIRSOY — Jizzax viloyati Gʻallaorol tumanidagi soy. Sangzor daryosining chap irmogʻi. Turkiston togʻlarining shim. yon bagʻridagi 2800 m balandlikdan boshlanib, shim. gʻarbga tomon oqadi. Katta Korashaqshaq tangisi tor (100—200 m), oʻzani 2—5 m. Asosan, yomgʻir va qordan, yilning issiq davrida buloqlardan suv oladi. May oyining oxirlarida suv sarfi 180— 200 l/sek. Atrofi respublikaning eng xushmanzara joylaridan biri, bu yerda saurarcha, qoraarcha, togʻolcha oʻsadi; ayiq, quyon va b. hayvonlar yashaydi.