BONDAREV Yuriy Vasilyevich

BONDAREV Yuriy Vasilyevich (1924. 15. 3, Orsk) — rus yozuvchisi. Oddiy askarlarning qahramonligi, insonning urushdagi ruhiyati Bondarev ijodining bosh mavzuidir («Batalyonlar oʻt ochishni soʻraydi» povesti, 1957; «Issiq qor» romani, 1969 va b.). «Sukunat» romani (1962) tinch hayotga qaytish haqida, «Sohil» (1975), «Saylov» (1980), «Oʻyin» (1985) kabi romanlarida insonning oʻz davri, vatani bilan aloqalari haqidagi axloqiyfalsafiy mulohazalari aks etgan.