BENSI

BENSI, Bensixu — Xitoyning shim. sharqidagi shahar. Tayszixe daryosi vodiysida, Lyaonin provinsiyasida. Bensidan Shenyan — Andun t. y. oʻtgan. Aholisi 751 mingdan ziyod kishi (1990-y. lar oʻrtalari). Toshkoʻmir, gilli slanes va temir rudasiga boy konchilik r-nining markazi. Bensi mamlakat qora metallurgiya va temir rudasi, metallsozlik sanoatining muhim markazlaridan. Temir rudasi, choʻyan, sifatli poʻlat, sement va koks, oʻtga chidamli materiallar ishlab chiqariladi. Yirik TES va konchilik in-ti bor.