BELORUSSIYA UNIVERSITETI

BELORUSSIYA UNIVERSITETI, Belorussiya davlat un-ti — 1921-y. Minsk sh. da tashkil etilgan. Un-t tarkibida biol., geogr., tarix, jurnalistika, mexanika-mat., amaliy mat. va informatika, radiofizika va elektronika, fizika, falsafa-iqtisod, kimyo, yuridik, xalqaro munosabatlar, xorijiy fuqarolar uchun tayyorlov, oliy oʻquv yurtlari oʻqituvchilari malakasini oshirish, amaliy mat. va EHM boʻyicha malaka oshirish f-tlari, shuningdek biznes va texnologiyalar axboroti maxsus f-ti bor; 14,4 ming talaba oʻqiydi, 121 kafedrada 1410 oʻqituvchi, jumladan 190 prof. va fan d-ri, 800 dan ortiq dotsent va fan nomzodi ishlaydi. Sirtqi boʻlimi mavjud. 1927-y. dan aspirantura, 1988-y. dan doktorantura ishlaydi. Un-tda 3 i. t. instituti, nashriyot, hisoblash-axborot va ilmiy-injenerlik markazlari, asosiy kutubxona, 3 muzey, «Hemыslitsa» ilmiytajriba xoʻjaligi, «Naroch» biologiya st-yasi, «Zapadnaya Berezina» ilmini. ch. geografik baza bor.