AVIATSIYA SPORTI

AVIATSIYA SPORTI — sport turi; vertolyot sporti, aviatsiya modelini yasash sporti, parashyut sporti, deltaplaner sporti va samolyot sportiga boʻlinadi. Aviatsiya sportini ommalashtirish bilan Oʻzbekiston mudofaaga koʻmaklashuvchi «Vatanparvar» tashkiloti shugʻullanadi. Aviatsiya sporti 1964-y. dan rivojlana boshladi, lekin 1934-y. da Toshkentda birinchi Aviatsiya sporti klubi ochilgan. Oʻzbekiston sportchilari 1965-y. da birinchi marta sobiq Ittifoq Aviatsiya sporti musobaqalarida qatnashib, 4-sovrinli oʻrinni olishgan.