ANDIJON TOJMETALL AKSIYADORLIK JAMIYATI

ANDIJON «TOJMETALL» AKSIYADORLIK JAMIYATI — paxta tozalash sanoati mashinasozligi korxonasi. Andijon sh. da joylashgan. «Oʻzmashsanoat» uyushmasi tarkibiga kiradi. 1992-y. da «Kommunar» mexanika z-di tarzida tashkil etilgan. 1997-y. okt. dan hozirgi nomda va ochiq turdagi aksiyadorlik jamiyati. Paxta tozalash z-dlari uchun texnologik jihozlar va mashinalar (bunt buzgichlar, tola tozalash mashinalari, linterlar, chigitdan tolani ajratadigan (jin) mashinalari uchun arralar, sanoat ventilyatorlari), asbob-uskunalar, ehtiyot qismlar, xalq isteʼmoli tovarlari ishlab chikaradi. Korxonada ishlab chiqariladigan texnologik liniyalar va b. mahsulotlar MDHdagi paxtakor mamlakatlarga eksport qilinadi.