ALEKSANDRIT

ALEKSANDRIT — mineral, tarkibida xrom boʻlgan xrizoberill turlaridan biri. Kimyoviy formulasi A12Ve04, qattiqligi 8,5. S. ogʻ. 3,7 ga yaqin. Tabiiy yorugʻlikda rangi zumrad-yashil, chiroqda binafsha rang-qizil boʻladi. Massasi 2—3 karatdan ortiq boʻlgan toʻq rangli shaffof kristallari 1-klass qimmatbaho tosh hisoblanadi. Yuqori t-rada pegmatit yertomirlarda hosil boʻladi. Tabiatda koʻpincha berill, fenakit, rutil, flyuorit, apatit va b. minerallar bilan birga uchraydi. Sunʼiy yoʻl b-n olingan och yashil korund sintetik Aleksandrit deb ataladi.