MUSTAHAB

MUSTAHAB (arab. — sevilgan, yoqtirilgan) — sharʼiy amal; uni bajargan kishi savobli boʻladi, bajarmagan kishi gunohkor boʻlmaydi. Sharʼiy hukmlar kitoblarida moʻminmusulmonlar qilishlari maʼqul boʻlgan oʻnlab Mustahab amallar (nafl namozlarini oʻqish, nafl roʻzasini tutish, sadaqalar berib yurish, turmushda oddiy odob qoidalariga rioya etish, atrofdagi odamlar uchun turli foydali ishlar qilish va h. k.) koʻrsatib oʻtilgan.