HIROVUL

HIROVUL (moʻgʻulcha — yakkalanmoq, uzoqlashmoqdan) — ilgʻor qism, avangard. Amir Temur yurishlariga oid forsiyda bitilgan tarixiy manbalarda qayd etilgan. Eski oʻzbek tili man-balarida Hirovulning irovul (eravul) fo-netik varianti ham mavjud boʻlib, u «Boburnoma» va Abulgʻoziyning «Sha-jarayi turk»ida ishlatilgan. Hirovul bir qator obidalarida boshqa bir moʻgʻulcha manglay (mangʻliy) atamasi bilan al-mashingan. Jangovar tartibga binoan Hirovul lashkarning peshravi (avanposti) qorovullan keyin, yaʼni markaz gʻuldan oldin, oʻng qanot (barangʻar) va chap qanot (juvangʻar) oraligʻida hara-kat qilgan. Hirovulga janglarda suyagi qotgan, tajribali, bahodir jangchilar jalb etilgan, atoqli sarkardalar qoʻmondonlik qilgan. Sohibqiron qoʻshinida asosiy, bosh H. qatori oʻng qoʻl va soʻl qoʻlning ham Hirovuli mavjud boʻlgan.