LYUBLYANA UNIVERSITETI

LYUBLYANA UNIVERSITETI, Edvard Kardel nomidagi Lyublyana unti — Sloveniyadagi eng yirik va qad. un-t. 1595—96 y. larda tashkil etilgan. 1919-y. dan un-t maqomini olgan. Huquq, falsafa, iqtisodiyot, tabiiy fanlar va texnologiya, meʼmorlik, fuqaro qurilishi va geodeziya, elektrotexnika, mexanika, tibbiyot, biotexnologiya, sotsiologiya, siyosiy fanlar va jurnalistika boʻyicha mutaxassisliklar tayyorlaydi. 13 mingga yaqin talaba taʼlim oladi. Kutubxonasi (1974-y. tashkil etilgan) da 1 mln. dan ortiq asar saqlanadi.