PSEFITLAR

PSEFITLAR (yun. psephos — mayda tosh, shagʻal tosh) — yirik boʻlakli sementlashgan choʻkindi jinslar. Tub jinslarning mexanik parchalanishi va parchalangan mahsulotlarning daryo vodi ylari va suv havzalari sohillarida toʻplanishidan hosil boʻladi. Boʻlaklar oʻlchami 1 mm dan katta. Kelib chiqishi boʻyicha choʻkindi, vulkanogen-choʻkindi, vulkanogen va tektonik turlarga boʻli-nadi. Boʻlaklarning oʻlchami va dumaloqlanish darajasi boʻyicha xarsangtosh, gʻoʻlatosh va shagʻallarga ajratiladi. Sementlashgan turlari psefitolit (konglomerat, brekchiya, gravelit)lar deyiladi.