DEHXUDO

DEHXUDO Mirza Aliakbarxon Qazviniy (1879—Tehron—1956) — eron yozuvchisi, olim va jamoat arbobi. Eron Tillar akademiyasi (Farhangiston)ning aʼzosi, Tehron un-tining prof. 1906-y. dan nashr etila boshlagan «Isrofil karnayi» hajviy jur. noshiri. Dehxudo qator hajviy hikoya va sheʼrlar muallifi. Uning ilmiy merosida «Maqollar va matallar» (1—4-jildlar, 1929—31), Abu Rayhon Beruniyga bagʻishlangan asari bor. D. koʻp jildli «Lugʻatnoma» (Eron ensiklopedik lugʻati)ni tayyorlashga nazariy va amaliy jihatdan katta hissa qoʻshgan.