YEVROPA PARLAMENTI

YEVROPA PARLAMENTI — Yevropa Ittifoqi muassasalaridan biri. Uni Yevropa Ittifoqiga aʼzo mamlakatlar fuqarolari toʻgʻridan-toʻgʻri saylovlar orqali 5 y. muddatga saylaydi. Bunda davlatlarning aholi soni va Ittifok, doirasidagi ulushi hisobga olinadi (mas, Germaniya 99 mandatga, Fransiya, Italiya, Buyuk Britaniya — 87 tadan, Ispaniya — 64 va h. k. mandatga ega). Yevropa parlamentining har oyda boʻladigan sessiyalari Strasbur (Fransiya)da, favqulodda majlislari — Bryussel (Belgiya)da oʻtadi. Bu shaharlarda Yevropa parlamenti qoʻmitalari ishlaydi, kotibiyati — Lyuksemburg sh. da.