YESBERGEN

YESBERGEN — Qoraqalpogʻiston Respublikasi Shumanay tumanidagi koʻl. Yesbergenshagʻanaq qishlogʻidan 3 km jan. da, Amudaryoning chap kayirida, 68 m balandlikda joylashgan. Amudaryodan toshgan suvlar va sizot suvlaridan toʻyinadi. Suvga toʻlgan paytda mayd. 128 ga, chuq. 1—1,5 m boʻladi, suvi ozayganda esa koʻl ancha kichrayib qoladi. Yesbergen qirgʻogʻi va maydonida qamish, qoʻgʻa oʻsadi.