XOLL

XOLL (ing. Holl) — jamoatxona, dahliz; Yevropada ilk oʻrta asrda baland tom bilan berkitilgan joy. Bu joyda inglizsakson qabilalarining aʼzolari yigʻilgan, keyinchalik ingliz turar joylarining jamoatxonasiga aylangan. Zamonaviy jamoat binolari (mas, teatr, yotoqxona, mehmonxonalar)da dam olish yoki biror shaxsni kutish, suhbatlashish maqsadida foydalaniladi (ular divan, kreslo, televizor kabilar bilan jihozlanadi, xona gullari qoʻyiladi).