VLADIMIR—SUZDAL KNYAZLIGI

VLADIMIR—SUZDAL KNYAZLIGI — Shim.-Sharqiy Rusdagi yirik kad. rus davlati. 10—12-a. oʻrtalarida Kiyev Rusi tarkibidagi Rostov-Suzdal udel knyazligi boʻlgan. Poytaxtlari — Rostov, Suzdal, 12-a. oʻrtalaridan ulugʻ knyazlik. Poytaxti — Klyazma daryosi boʻyidagi Vladimir sh. (1157). Moʻgʻullar tomonidan 1238-y. vayron qilingan. Vladimirning ulugʻ knyazi unvoni 13—14 y. larda Shim.-Sharqiy Rusda bosh unvon sanalgan. V.-S. k. yerlari Rus davlati tarkibiga kirgan.