VILAND

VILAND (Wieland) Genrix Otto (1877.4.6, Pforsxeym, Baden — 1957.5.8, Shtarnberg) — nemis organik kimyogari va biokimyogari. Falsafa fanlari d-ri (1901), ekstraordinar prof. (1909), Freyburg un-ti prof. (1917). Asosiy ishlari gormonlar, steroidlar, alkaloidlar, xlorofill va gemoglobin kimyosiga bagʻishlangan, Tirik organizmlarda organik birikmalarning oksidlanishi, shu jumladan biologik oksidlanish jarayonlarini chuqur oʻrgangan, degidridlanish nazariyasiga (Palladii Viland bilan bir vaqtda) asos solgan. Oʻt kislotalari va shunga oʻxshash birikmalar tuzilishini aniqlagan. Nobel mukofoti laureati (1927).