VIBROPROKAT

VIBROPROKAT — yirik oʻlchamli yigʻma temir-beton konstruksiyalar va buyumlar (panellar, tekis va qovurgʻali plitalar, qobiqlar va b.) ni mashinada tayyorlash usuli. Beton qorishmasini titrama usulda zichlashga va qoliplanadigan buyumlarni titrama prokatlash stani valik (juva)lari orasida prokatlashga asoslangan. Bunda bir yoʻla betonga tezkor usulda issiqlik ishlovi berish va uni qotirish jarayonlari ham koʻzda tutiladi (q. Temir-beton konstruksiyalar va buyumlar).