VAGOTOMIYA

VAGOTOMIYA (lot. vagus — adashgan va yun. tome — kesish) — adashgan nervni qirqish yoki qisman kesib tashlash. Yara kasalligini (meʼda, oʻn ikki barmoq ichak yarasi va b.) jarroxpik usuli bilan davolash usullaridan; koʻproq meʼdani operatsiya qilish chogʻida qoʻllaniladi. Tajribada Vagotomiya 16—17-a. larda adashgan nerv faoliyatini oʻrganish uchun oʻtkazilgan. Tibbiyot amaliyotida ogʻir operatsiyalarni koʻtara olmaydigan bemorlarda Vagotomiya operatsiyasi qilinadi. Kasallangan aʼzoning qaysi qismi operatsiya qilinishi lozimligiga qarab Vagotomiyaning maʼlum bir xili qoʻllaniladi.