URUGVAYLAR

URUGVAYLAR (oʻzlarini uruguayo deb atashadi) — xalq. Urugvayning asosiy aholisi (2,7 mln. kishi). Umumiy soni 2,83 mln. kishi (1990-y. lar oʻrtalari). Ispan tilida soʻzlashadi. Dindorlari — asosan, katoliklar. Urugvaylar, asosan, 16—18-a. lardagi ispan kolonistlari avlodi. 19-a. oʻrtalaridan Yevropadan, asosan, ispanlar, italyanlar va fransuzlar koʻchib kelishgan. Tub joy aholiga mansub indeyslarning charrua va b. qabilalari 19-a. boshlarida qirib tashlangan. Asosiy mashgʻuloti — chorvachilik; bir kismi oziq-ovqat va toʻqimachilik sanoatida band.