ULAN-BURGASI

ULAN-BURGASI — Gʻarbiy Baykalorti (Buryatiya Respublikasi)dagi togʻ tizmasi. Jan. gʻarbdan shim. sharqqa choʻzilgan. Turka va Kurba daryolari oraligʻida. Uz. 200 km ga yaqin. Bal. 1400 —1800 m, eng baland joyi 2049 m (Xurxag togi). Granit jinslari yorib chiqqan qad. metamorfik jinslardan tashkil topgan. Togʻ etaklarida va jan. yon bagʻirlarida 700 — 800 m balandlikkacha togʻdasht oʻsimliklari, yuqorida tilogʻochli tayga, 1600 m dan yuqorisi qurumlar bilan qoplangan.