Tushda kasallik- Kasallik haqidagi tushlar yaxshilikka yo’yilmaydi. Kasal bo’lgani holda qiynalmaganini ko’rgan kishi shu yil vafot etmaydi. Bundan tashqari har yil yara-chaqalar, kasallik boylik tush ko’rgan kishining hayoti bilan bog’liqdir. Biror kishi tushida xotinining kasal ekanini ko’rsa, bu o’sha ayolning sog’lig’i yoki iymonida kamchilik borligiga ishoradir.
Tushda kasal
Erkak uchun ham shunday ta’bir o’rinlidir. Tushida o’zining ko’rligini ko’rgan kishi ishonchi,iymonidan ayriladi. Oyog’i singanini tush ko’rgan kishi kambag’allashadi. Boldiri singanini ko’rish undan ham yomon. Tushida yuqimli kasallik tarqalganini ko’rish qo’zg’olon va jang-jadaldan darakdir. Bunday tush zilzila yoki yong’indan xabar berishi ham mumkin.
KASALXONA
Kasalxona ko’rinishining ta’biri turlichadir. Kasalxonaga kirganini ko’rgan kishi shahid bo’ladi. Kasalxona ovqatidan eganini ko’rgan kishi kasal bo’lsa, tuzaladi, sog’ bo’lsa, kasal bo’ladi. Shifokor bilan suhbatlashganini ko’rgan kishi o’z oilasidagi bemorlarga qaraydi.
Kasalxonaning toza, tartibli ekanini ko’rgan kishi shifo topadi. Kasalxonada qah-qah urib kulganini ko’rgan kishi aqldan ozadi yoki yaqinlaridan judo bo’ladi. Ruhiy xasta- liklar kasalxonasini tush ko’rish ko’ngilochar joylarga, ma’nisiz gap-so’zlarga, boylikning qo’ldan ketishi va bola-chaqadan ayrilishiga ishoradir.
KAFAN
Tushda kafan ko’rishning foydali tomoni ham, zararli tomoni ham bor. Biror kishiga kafan tayyorlagani yoki keltirganini ko’rgan kishi unga yaxshilik qiladi. Biror marhumning kafanini echib olganini ko’rgan kishi yashirin ilmni o’rganadi va harom molga ega bo’ladi.
Biror kishining tushida biror erkakning tiriklayin kafan kiyganini ko’rishi uning zinoga berilishiga ishoradir. Biror kishi tushida kafan kiygani, bosh va oyoq qismlari kafandagidek bog’langanini ko’rsa, vafot etadi yoki ishi yurishmaydi.
KA’BA
Tushda Ka’bani ko’rish davlat boshlig’i, vazir, qo’mondon, oila, xavfsizlik, obro’-e’tibor, kuch-qudrat, baxt-saodat demakdir. Tushida Ka’bada namoz o’qiganini ko’rgan kishi mashhur davlat arboblariga yaqin bo’ladi. Ka’bada ko’riladigan noxushliklar, kamchiliklar tush ko’rgan kishining, shuningdek, yaqin munosabatdagi davlat arbobining nuqsonlaridan darakdir.
Ka’ba devorining yiqilgani yoki yorilganini ko’rish ko’ngilsiz voqealar bo’lishidan xabar beradi. Tushda Ka’baga qarash qo’rquv va xavotirlardan xalos bo’lishga ishoradir. Biror kishi Ka’bada namoz o’qiganini ko’rsa, oqsoqol yoki imomdan kuch oladi, dushmanning yomonligidan omon qoladi, yorug’likka chiqadi.
Tushida Ka’baning o’z uyida ekanini ko’rgan kishi doimo davlatdan, xalqdan hurmat-e’tibor ko’radi. Ka’bada biror xato qilganini ko’rgan kishm Allohning rasuli (s. a. v.) sunnatiga zid ish tutadi. Tushida Ka’baning xarob bo’lganini ko’rgan kishi namozni tark etadi.
KEKSA AYoL
Tushda keksa ayolni ko’rish ojizlikka ishoradir. Ba’zida keksa ayol qo’ldan ketgan boylik, oxirat, xafagarchilikka ishora bo’lishi ham mumkin. Notanish keksa ayol ocharchilik daragi hisoblanadi. Tushida uyiga keksa ayol kirganini ko’rgan kishi boyiydi. Uyidan keksa ayol chiqqanini ko’rgan kishining moddiy ahvoli yomonlashadi.