Post Views:
434
SHAHAR DARVOZALARI KALITLARI – Toshkent darvozalari (19-asr o‘rtalarida 12 ta darvoza)ning alohida kalitlari bo‘lgan. Har bir kalitda tegishli darvoza nomi va kalit yasalgan yil yozilgan. Toshkent 1865 yil iyun oyida Rossiya imperiyasi tomonidan bosib olingandan keyin, chor hukumatiga tobelik ramzi sifatida 12 ta darvozaning ramziy oltin kaliti shoshilinch ravishda yasalib, chor ma’murlariga topshirilgan va u kalitlar Peterburgga olib ketilib, harbiy muzeyda saqlangan. Oltin kalitlar darvozalarni ochuvchi haqiqiy temir kalitlardan ancha kichik bo‘lgan (har birining uzunligi 16 sm, vazni 165–167 gramm). Kalitlar Toshkentning Pichoqchilik mahallasidagi Abdurahmon ismli zargar tomonidan yasalgan degan fikr mavjud (akademik Ya.F. Fulomov). Kalitlar Peterburgda 1917 yilgacha Rossiya imperiyasiga, undan keyin sho‘rolar hukumatiga tobelik sifatida saqlanib kelindi. 1933 yil 14 iyunda kalitlar O‘zbekistonga qaytarib berilgan (ulardan biri O‘zbekiston tarixi muzeyida ko‘rgazmaga qo‘yilgan, qolgan 11 tasi O‘zbekiston Davlat bankida saqlanmoqda).
«Toshkent» ensiklopediyasi. 2009 yil
https://shosh.uz/uz/toshkent-darvozalari-kalitlari-2/