TORMOZ YOʻLI

TORMOZ YOʻLI — transport vositasi (avtomobil, tramvay va b.) ga tormoz berilgan paytdan boshlanib, toki butunlay toʻxtaguncha oʻtgan masofa. T. y. transport vositasiga qarab har xil kattalikda boʻladi. Tormoz yoʻlining kattakichikligi tormoz mexanizmlarining samaradorligiga, yuritma va tormozlarning ishga tushish vaqtiga, transport vositasining harakat tezligiga, gʻildiraklarning yoʻl qoplamasi (yoki relyelar) bilan tishlashish (ilashish kuchiga), yoʻl (rels)ning sirpanchiqlik darajasi, haydovchining reaksiyasi va b. baʼzi omillarga bogʻliq boʻladi.