TOʻRGʻAY

TOʻRGʻAY — Qozogʻistondagi daryo. Uz. 825 km, havzasining mayd. 157 ming km2. Oʻrta oqimida suvining oʻrtacha sarfi 9 m3/sek. Qozogʻiston past togʻlarining gʻarbiy chekkasidan boshlanadigan Qoratoʻrgʻay va Jaldama daryolarining qoʻshilishidan hosil boʻladi. Asosan, Toʻrgʻay soyligidan oqib oʻtib, Shalqartengiz botigʻida tugaydi. Qordan toʻyinadi. Noyab. da muzlab, apr. da muzdan boʻshaydi. Yozda quyilish joyida suvi shoʻrlanadi.