Toʻgʻriga rahmat degay el

Yolgʻon-egrilikka oʻrganma aslo,

Jahon toʻgʻrilikdan boʻlmishdir barpo.

Abdushukur Balxiy.

* * *

Qayda rost ish, oʻsha yerda pokiza non,

Mana qayda chin zarbdorlik halol vijdon!

Gʻafur Gʻulom.

* * *

Toʻgʻrini de, toʻgʻrini koʻr, toʻgʻri yur,

Toʻgʻri eshit, toʻgʻri gapir, toʻgʻri tur.

Abdurahmon Jomiy.

* * *

Toʻgʻri har ofatdan qutilib ketar,

Masal bor: “Toʻgʻrilar maqsadga yetar”.

K. Binoiy.

* * *

Tiling bila koʻnglingni bir tut, koʻngli va tili bir kishi aytgan soʻzla but.

* * *

Tilki faseh va dilpazir boʻlgʻay, xubroq boʻlgʻay agar koʻn-gul bila bir boʻlgʻay.

Alisher Navoiy.

* * *

Toʻgʻrilik uchramas hecham baloga,

Sarv qurisa hamki yarar asoga.

Sayido Nasafiy.

* * *

Egrilik hosili – qabohat erur,

Toʻgʻrilik hosili – saodat erur.

A. Sanoiy.

* * *

Toʻgʻriga rahmat degay el, egriga laʼnat degay,

Toʻgʻrining qalbi charogʻu, egrining qalbida dogʻ.

Egriga boʻlsang yaqin, el egri koʻrgaylar seni,

Egri koʻzgu qayda koʻrsatgay birovni toʻgʻri-sogʻ.

Z. Habibiy.

* * *

Toʻgʻri koʻrguchi yetar poklik ila maqsadga,

Egri koʻrguchi tushibdir tamai xom ichra.

Hofiz Sheroziy.

* * *

Jahonda hammadan toʻgʻrilik aʼlo,

Egrilikdan yomon bormi hech balo.

Abulqosim Firdavsiy.

“Aql aqldan quvvat oladi” (Hikmatli soʻzlar, aforizmlar va maqollar. “Oʻzbekiston” nashriyoti, Toshkent – 1967) kitobidan.