TARELKALAR

TARELKALAR (rus; ital. piatti:, frans. cymbales) — urma musiqa cholgʻu asbobi. Ikkita maxsus temir qotishmasidan tayyorlangan disk (diametri 25—60 sm)dan iborat. Misr, Hindiston, Uzoq Sharq mamlakatlarida qadimdan maʼlum, Yevropada 18-a. dan «yanicharcha (turkcha) musiqa» taʼsiri ostida ommaviylashgan. Tarelkalar bir biriga (yoki tayoqcha bilan) urilganda jarangdor sado beradi. U turli orkestr va estrada hamda jaz ansambllarida qoʻllaniladi.