TAMSHUSHDARYO

TAMSHUSHDARYO — Surxondaryo viloyatidagi daryo. Xisor tizmasining jan. dan boshlanadi. Uz. 38 km, havzasining mayd. 380 km2. Daryoga 22 ta soy quyiladi. Tamshushdaryo oʻzanining kengligi 60 m, qirgʻoklari tik va baland. Oʻrtacha yillik suv sarfi 6 m/sek. Toʻpolondaryoga quyiladi. Qoryomgʻirdan toʻyinadi. Bahorda suvi koʻpayadi, tez-tez sel keladi. Vodiysida oʻtloqlar bor, yovvoyi tok, tol, olcha, bodom, doʻlana oʻsadi. T. Tamshush, Shartut qishloqlari va chorva yaylovlarini suv bilan taʼminlaydi.