SUZDAL — RF Vladimir viloyatidagi shahar, Kamenka daryosi boʻyida, Vladimir sh. dan 35 km uzoqliqda joylashgan. Gavrilov Posad t. y. stansiyasidan 28 km jan. sharqda. Aholisi 12 ming kishi (1998). Suzdalda tikuvchilik fkasi, sut z-di ishlab turibdi. Shaharda oʻrta asr meʼmoriy yodgorliklari saqlangan.
S dastlab 1024-y. manbalarida tilga olingan. 12-a. 1-yarmida, Yuriy Dolgorukiy zamonida S. RostovSuzdal knyazligining markazi, soʻngra VladimirSuzdal knyazligi tarkibida. 13 — 14-a. boshlarida Suzdal knyazligi poytaxti. Shaharni 1238-y. da moʻgʻullar yondirib yuborgan. 1392-y. dan Moskva buyuk knyazligi tarkibida. 1796-y. dan Vladimir gubernyasining uyezd markazi. Shaharning 18-a. tuzilishi saqlangan. 13—17-a. larga xos kad. rus sanʼati meʼmoriy yodgorliklari yaxlit ansamblni tashkil etadi. Turizm rivojlangan. Suzdal yaqinida 12—18-a. larga oid meʼmoriy ansambl saqlangan Kideksha qishlogʻi bor.