SIGʻNOQ

SIGʻNOQ, Sunax, Sugʻnoq, Soʻnoqota, Soʻnaq qoʻrgʻon — Sirdaryoning quyi oqimi boʻylarida, Qiziloʻrda (Qozogʻiston)ning jan. da joylashgan qad. shahar. Oʻtroq, madaniy viloyatlar bilan dasht oʻrtasidagi chegarada mil. av. 3-a. da bino etilgan. U 10-a. da oʻgʻuzlarta tegishli boʻlgan. 11-a. oʻrtalaridan yirik savdo shaxri, qipchoqlar poytaxti sifatida mashhur. 1219-y. yetti kunlik qamaldan soʻng Sigʻnoq moʻgʻullarning Joʻjixon boshchiligidagi qoʻshini tomonidan vayron qilingan, lekin 14-a. da qayta tiklanib, 14-a. oʻrtasida Oq Oʻrda poytaxtiga aylangan. 15-a. da Sigʻnoq oʻzbek xonlarining poytaxt shahri boʻlgan, 16-a. da esa qozoq xonlari tasarrufiga oʻtgan. 14—16-a. larda Sigʻnoqda tangalar zarb etilgan, koshin parchalari bilan bezatilib pishiq gʻishtdan ishlangan imoratlar (madrasa, masjid, maqbaralar) qurilgan. Manbalarda S haqida 18-a. dan keyin maʼlumot uchramaydi. Shahriston (10 ga)ni uragan mudofaa devori va uning 15 minorasi xarobalari va rabod (taxm. 13 ga) ni muhofaza qilgan tuproq tepa, shuningdek, 14—16-a. larga oid bir qancha binolarning qoldiqlari saqlangan.